CAVALCANTI - CUCINA TEORICO PRATICA - 1837 copia

* 9 3 co sale e pepe ; e te li può magna caurìe e fredde, mettennoce no poco d'acilo. Molignanelle nsauza. A chelle belle molignanelle piccerelle , ne Ie- varraje li streppuni , e li farraje scaudate , li scolarraje , e pò li farraje nfareuate e fritte, co na sauza d' acre e doce. Cocozzielli a la Parmiscìana. Si so chilli cocozzielli piccerilli , li tagliar- raje a fellucce sottile , e li friarraje jonnolille jonnolille ; pò ne farraje no bello solare dint' a no ruoto , o a na prattella , nce mettarraje ncop- pa caso vecchio e provola grattato, co no poco de vasinicola ntretata fina fina, e pò nce miette lo brodo de stufato, o na sauza de pommadore; e accossi farraje pe ogni solare. Si pò so chilli gruossi, li mettarraje a felle a felle dint'a lo ruoto , e l'acconciarraje de la stessa raanera. Cocozzielli a la scapece* A chisti cocozzielli , doppo che 1' aje fritti, nce farraje la scapece comme t' aggio ditto ncop- pa pe le molignane. Cocozza de Spagna. Pigliarraje no bello cuollo de cocozza de Spa– gna , lo fellarraje sottile , nce mettarraje lo sale e le farraje scola: pò le friarraje, e doppo