RAJBERTI - Arte di convitare parte seconda - 1937

• Tucc van matt quand se canta o quand se sonna, Se contenten magara di orghenitt; Se ved fina i ruvee che passa in strada A stà attent cont in aria la possada. Con quest mi vorrev dì che la soa gloria L'è gloria che capiss tutta la gent: Humboldt e Arago hin nomm che va in la Storia, Ma che gh'hin el san nanca el vun per cent : Ma de Lù tucc en san e gh'han i proeuv : Per Lù gh'è '1 vun e poœu i norantanoeuv. Diremm anca che quij che dà a la stampa G'han quest de maladett che per fass fort Ghe tocca de sgobba fin che se scampa Per fass nomm bej e vece, o dopo mort: Quand Lù gioven, lughi,i vìscor e tond L'è on quart de secol che l'è in bocca al mond. i Ma sì! coss'el po avegh de pu de mi? On dodes, tredes ann, nient de pù: Ben, per quel pocch che al mond hoo sentii a dì Mi hoo sentii semper a parla de Lù; Del mè primm ziffolà de che sont viv Hoo semper ziffolaa sui so motiv. In sti mee scarabocc, sur Cavalier, Se mi ghe foo la cort, vuj ch'el me coppa: — 147 •