RAJBERTI - Arte di convitare parte seconda - 1937

A h, caro lù, quand pensi a la fortuna D' on giovinott che va fceura di begh, Senza familia che fa batt la luna, Senza mangiass el fidegh per l'impiegh, E che ciappa el mondasc come Dio voeur, A l'ombra di campann, me va giò '1 cœur. Ma sài che anch mi podeva fa altretant? Sont staa abaa-ghicc dai des fina ai desdott: E quand aveva già passaa d'incant L'etaa de la dietta e di cazzott, Sul bon de tegnì dur, mo che ciallon! M'è scappaa tutt a on bott la vocazion. Cosse no han faa quij pover Oblatitt Per tegnimela in corp! ma l'è staa inut i;l E quest sia de risposta e quij che han ditt Che sont staa casciaa via : brutti desutil ! Ma che matton d'on prêt sarev mai staa! Trava sott sora l'arcivescovaa. Basta, lù sì ch'el farà '1 prêt pol i t: Senti de tucc che l'è on fior de talent, Ch'el scriv in vers e in prosa a mennadit, E almanch in quest semm on freguj parent: Ma mi no scrivi che di baronad; Pari la calamitta di legnad.